BOKS: Golovkınge Chavestiń salmaǵynyń aýyr bolýy problema týdyrmaıdy - Sanches
ASTANA. QazAqparat - WBA/IBO nusqalary boıynsha orta salmaqtaǵy álem chempıony Gennadıı Golovkınniń jattyqtyrýshysy Abel Sanchestiń pikirinshe, meksıkalyq Hýlıo Sezar kishi-Chavestiń salmaǵynyń edáýir aýyrlaýy kerisinshe qazaqstandyqtyń paıdasyna sheshiledi.
«Chavestiń salmaǵy qanshama aýyr bolsyn, Gennadıı oǵan bas aýyrtpaq emes. Golovkın rıngke 172 fýnt mańaıynda shyǵady. Qosymsha salmaq onyń jyldamdyǵyna, ózindik aıla-tásiline keri áserin tıgize almaıdy. Eger Chaves sharshy alańǵa 20-25 fýnt aýyr bolyp shyǵar bolsa, onda qımyly baıaýlaıdy. Bul, jekpe-jek kezinde Gennadııdiń aldyna qoıǵan maqsatyn oryndaýdy jeńildetedi», - dedi Sanches.
Eske sala ketsek, 31 jastaǵy Gennadıı Golovkın men 28 jastaǵy Hýlıo Sezar kishi-Chaves arasyndaǵy kezdesýdi AQSh-ta, 19 shildede ótkizý josparlanyp otyr, dep habarlaıdy Vesti.kz.
