BOKS: Golovkın sulatqan Stıvens taǵy bir jeńisine qol jetkizdi
ASTANA. QazAqparat - Orta salmaqtaǵy amerıkandyq boksshy Kertıs Stıvens WBA jáne IBO nusqalary boıynsha álem chempıony Gennadıı Golovkınnen súringennen keıin óziniń ekinshi jeńisine qol jetkizdi.
29 jastaǵy Kertıs Stıvens óziniń 31-inshi jekpe-jegin Bagam araldarynyń ókili Týreano Djonsonmen ótkizdi. Onynshy raýndtyń aldynda Djonson amerıkandyqtan 89:82, 89:82 jáne 87:84 esebimen basym túsip turǵan edi. Biraq Stıvens reti kelgen bir sátte qarsylasyn buryshqa tyǵyp, esin jıdyrmaı ústi-ústine soqqynyń astyna aldy. Tóreshige kezdesýdi toqtatýǵa týra keldi. Sóıtip ol tehnıkalyq nokaýtpen jeńiske jetti.
Aıta ketken jón, Gennadıı Golovkınen jeńilgen soń Kertıs Stıvens polıak Patrıka Maevskııden basym túsken edi, dep habarlaıdy Vesti.kz.
