BOKS: Golovkın salmaq ólsheýde Mıýrreıden sál ǵana jeńil bolyp shyqty
ASTANA. QazAqparat - WBA (Super) jáne IBO nusqasy boıynsha orta salmaqtaǵy álem chempıony qazaqstandyq Gennadıı Golovkın men brıtanııalyq Martın Mıýrreı WBC erejeleri boıynsha salmaqtaryn ólshedi, dep habarlady GGG-diń VKontakte áleýmettik jelisindegi resmı paraqshasynda.
Gennadıı Golovkın 73,9 keli (163 fýnt) tartsa, al Martın Mıýrreıdiń salmaǵy - 74,8 kelini (165 fýnt) kórsetti.
Aıta keteıik, Golovkın men Mıýrreı arasyndaǵy jekpe-jek 21 aqpanda Monakodaǵy Salle des Etoiles arenasynda ótedi. Basty kezdesýi Golovkın men Mıýrreı arasyndaǵy jekpe-jek sanalatyn kásipqoı boks keshindegi barlyq tórt matchty da otandyq sportsúıer qaýym aqpannyń 21-inen 22-sine qaraǵan túni «Qazaqstan» Ulttyq telearnasynyń tikeleı efırinde saǵat 01.30-dan bastap tamashalaı alady.
Bul kezdesýlerdiń barlyǵy 22 aqpan kúni tańǵy 10.00-da «KazSport» telearnasy jekpe-jekti qaıtalap kórsetiledi.
