BOKS: Golovkın salmaq ólsheýde Gılden sál ǵana aýyr tartty
ASTANA. QazAqparat - WBA (Super) jáne IBO nusqasy boıynsha orta salmaqtaǵy álem chempıony qazaqstandyq Gennadıı Golovkın men avstralııalyq eks-chempıon Denıel Gıl resmı túrde salmaqtaryn ólshedi, dep habarlady Vesti.kz.
33 jasar Gennadıı Golovkın 72,48 keli (159,8 fýnt) tartsa, al 32 jasar Denıel Gıldiń salmaǵy - 72,21 kelini (159,2 fýnt) kórsetti. Osylaısha, álem chempıony úmitkerden 270 gramm aýyr tartty.
Eske sala keteıik, jekpe-jek 26 shildede Nıý-Iorkte Madison Square Garden úlken arenasynda ótedi. Astana ýaqyty boıynsha ol 27 shildede tańerteń saǵat 08:00-der shamasynda bastalady. KazSport jáne «Qazaqstan» telearnalarynan tikeleı efırde kórsetiledi.
