BOKS: Golovkın Mıýrreıdi 8-shi raýndqa deıin-aq sulatady - Roman Jaılaýov
ASTANA. QazAqparat - Kásipqoı boksta jeńilip kórmegen jas qazaqstandyq boksshy Roman Jaılaýov boxingnews.kz portalynda jaqynda bolatyn Golovkın-Mıýrreı jekpe-jegi týrasyndaǵy oılarymen bólisti.
«Men Mıýrreıdiń tek bir jekpe-jegin kórdim. Onda ol Martınesten jeńildi. Menińshe, onyń Golovkınmen bolatyn kezdesýi qyzyq ótedi, biraq onyń jeńiske esh úmiti joq. Gena brıtandyqty 8-shi raýndqa deıin-aq sulatady», - deıdi R.Jaılaýov.
Eske sala keteıik, Roman 13 kezdesý ótkizip, 13-inde (8 nokaýt) jeńiske jetken. Sońǵy kezdesýin 13 jeltoqsanda Artem Komarǵa qarsy ótkizdi jáne qazylar alqasy biraýyzdan qazaq boksshysyna jeńis berdi. Kelesi jekpe-jek aqpan aıynda ótedi.
Al Golovkın-Mıýrreı kezdesýi 21 aqpanda Monakoda ótetinin eske salamyz. Býkmekerler men kóptegen boks mamandarynyń pikirinshe, Golovkın bul jekpe-jekte aıqyn favorıt bolyp tabylady.
