BOKS: Golovkın men Rýbıo jekpe-jegin turyp tamashalaıtyn oryndarǵa bıletter satylmaq
ASTANA. QazAqparat - IBO jáne WBA nusqasy boıynsha álem chempıony Gennadıı Golovkın men meksıkalyq Marko Antonıo Rýbıo arasyndaǵy judyryqtasýǵa bıletterdiń 75 paıyzy satylyp ketken. Uıymdastyrýshylar jekpe-jekti turyp tamashalaıtyn oryndarǵa qosymsha bılet satýdy josparlaýda, dep habarlady Boxingscene.com.
Ondaı bılettiń quny 27 dollar bolmaq.
«Eki apta ishinde biz bıletterdiń 75 paıyz satyp úlgerdik, - deıdi Golovkınniń menedjeri Tom Leffer. - Bul Golovkınniń Batys jaǵalýynda asa tanymal bolyp úlgergenin kórsetedi. Ol belgili bir qalada nemese memlekette saıysatyn basqa chempıondarmen salystyrǵanda, álemniń kez kelgen túpkirinde aıqasýǵa daıyn».
Lefferdiń aıtýynsha, Golovkın men Rýbıo aıqasy anshlagpen ótpek. Sondyqtan qosymsha bıletter satylatyn boldy.
«Biz mundaı aktsııaǵa óte qýanyshtymyz. Jankúıerlerdiń suranysyn qanaǵattandyrý jáne jekpe-jekti qoldaý maqsatynda turatyn oryndarǵa bılet satamyz. Olar jaqyn arada satylymǵa shyǵady» - dedi ol.
Sonymen birge bulsh jekpe-jekke quny 210, 105 jáne 53 dollar bolatyn bıletter satylatynyn aıta keteıik. Eske salsaq, Gennadıı Golovkın men meksıkalyq Marko Antonıo Rýbıo arasyndaǵy bylǵary qolǵap básekesi 18 qazanda Los-Andjeleste ótedi.
