BOKS: Golovkın men kishi Chavestiń jekpe-jegi 2015 jyly ótýi múmkin
ASTANA. QazAqparat - Orta salmaqtaǵy eks-chempıon Hýlıo Sezar Chaves (kishi) 2015 jyldyń birinshi jartysynda rıngke qaıta oralatynyn aıtty, dep jazady sports.kz.
Onyń kelesi qarsylasy jartylaı orta salmaqtaǵy eks-chempıon Bernard Hopkıns pen IBF tujyrymy boıynsha sýper orta salmaqtaǵy chempıon Karl Froch bolmaq.
«Men aldaǵy jyldyń aqpan ne naýryz aıynda rıngge qaıta oralam. Bernard Hopkıns ne bolmasa Karl Frochpen kezdesý ótkizem, biraq Gennadıımen de judyryq túıistirýge qarsy emespin. Alaıda onyń aqpan aıynda kezdesýi josparlanyp qoıǵan. Onymen keıinirek keler jyly kezdesemiz dep úmittenem», - dedi kishi Chaves.
