BOKS: Golovkın men Gıldiń jekpe-jegin «Qazaqstan» men «KazSport» telearnalary tikeleı efırde kórsetedi
ASTANA. QazAqparat - 26 shildede Nıý-Iork qalasynda Madison Square Garden 20 myńdyq úlken arenasynda jyldyń eń úzdik oqıǵasy - WBA jáne IBO nusqasy boıynsha orta salmaqtaǵy álem chempıony Gennadıı Golovkın men álemniń burynǵy chempıony avstralııalyq Denıel Gıl arasynda kezdesý ótedi.
G. Golovkın WBA nusqasy boıynsha álem chempıony ataǵyn 11-inshi ret qorǵaıtyn bolady.
Onyń promoýteri Tom Lefferdiń jýrnalısterge habarlaýynsha, qazaqstandyq pen avstralııalyq boksshynyń jekpe-jegin álemniń 100-den astam elinde kórsetedi.
Madison Square Garden-ǵy barlyq kezdesýler «KazSport» telearnasynda Astana ýaqyty boıynsha tańǵy 06.30-dan, al saǵat 8.00-de Golovkın men Gıldiń jekpe-jegi «Qazaqstan» ulttyq telearnasynyń tikeleı efırinde kórsetiledi.
