Boks: Galledegi Halyqaralyq týrnırde Qazaqstan bir altyn, bir kúmis jáne eki qola medal enshiledi

Jalpy, bul dodaǵa Qazaqstannyń atynan alty bokser - Qanat Ábýtálipov (56 keli), Ǵanı Jaılaýov (60 keli), Serik Sápıev (69 keli), Danabek Sýjanov (75 keli), Ádilbek Nııazymbetov (81 keli) jáne Ivan Dychko (+91 keli) qatysty. Týrnırdiń alǵashqy jekpe-jekteri bizdiń komanda úshin sátti bastaldy. Biraq ekinshi kúni Q. Ábýtálipov túrik boksshysy Mehmet Topkannan, al I.Dychko reseılik Sergeı Kýzmınnen jeńilip, ekeýi de jarys jolynan shyǵyp ketti. Jartylaı fınalda bizdiń taǵy eki boksshymyz - D.Sýjanov brazılııalyq Eskýıva Florentınodan, al Ádilbek Nııazmbetov reseılik Egor Mehontsevtan utylyp, týrnırdiń qol júldesin qanaǵat tutty. S. Sápıev namysty qoldan bergen joq. Sońǵy jekpe-jekte ol týrnırdiń qojaıyny - nemis boksshysy Araıka Marýtıandy oısyrata jeńip, altynnan alqa taqty. Al Ǵ.Jaılaýov brazılııalyq Robson Konsıeısaoǵa jol berip, týrnırdiń kúmis medal ıegeri atandy.