BOKS: G.Golovkın Sports Illustrated nusqasy boıynsha «Jyl boksshysy» ataǵyn ala almady
ASTANA. QazAqparat - Kásipqoı bokstan WBA jáne IBO tujyrymdary boıynsha orta salmaqtaǵy Álem chempıony Gennadıı Golovkın Sports Illustrated nusqasy boıynsha, 2014 jyldyń «Jyl boksshysy» ataǵynan qur qaldy, dep jazady sportnews.kz.
Bıylǵy jyldyń qorytyndysy boıynsha, «Jyldyń úzdik boksshysy» dep reseılik boksshy Sergeı Kovalev tanyldy. Sports Illustrated Kovalev pen Hopkınstiń jekpe-jegin jyldyń erekshe saıysy dep atady. Eske salaıyq, buǵan deıin Sergeı Kovalev WBO nusqasy boıynsha da jyl boksshysy dep tanylǵan. Kovalev kásipqoı rıngte 27 kezdesý ótkizip, onyń 26-da (23 nokaýt) jeńiske jetti, tek bireýinde ǵana «ıtjyǵyspen» aıaqtady. Aıta ketý kerek, Kovalev sondaı-aq BWAA boks týraly jazatyn jýrnalıster qaýymdastyǵy nusqasynyń bedeldi tańdaýy «Jyl boksshysy» ataǵyna talasýshylar qatarynda. Jerlesimiz Gennadıı Golovkın Sports Illustrated -tiń úzdik boksshy ataǵyna laıyqtardyń biri dep tanyldy. Gennadıı bıyl Marko Antonıo Rýbıo, D. Gıl, O.Adamany jeńdi. Endi Gennadıı Golovkın 2015 jyldyń 21 aqpan kúni Monakoda brıtanııalyq Martın Mıýrreımen jekep-jek ótkizedi.
