BOKS: G.Golovkın men M.Maklın jekpe-jek aldyndaǵy baspasóz máslıhatynda kezdesti - FOTO
ASTANA. 27 maýsym. QazAqparat - Nıý-Iorkte WBA jáne IBO nusqalary boıynsha ortasha salmaqta bokstan álem chempıony, jerlesimiz Genadıı Golovkın men osy ataqqa úmitker brıtandyq Mettıý Maklınniń jekpe-jegi aldyndaǵy sońǵy baspasóz máslıhaty uıymdastyryldy.
Bul týraly Vesti.kz . jazdy.
Eske sala keteıik, 30 maýsym kúni Astana ýaqyty boıynsha tańǵy saǵat 09:00-de Golovkın men Maklın Mashantýkete qalasyndaǵy (AQSh, Konnektıkýt shtaty) Foxwoods Resort Casino arenasynyń sharshy alańynda qolǵap túıistiredi. Bul Boxing After Dark serııasynyń sheńberinde HBO arnasyndaǵy mańyzdy sharaǵa aınalmaq. Jekpe-jekti «Qazaqstan» ulttyq arnasy da tikeleı efır arqyly kórsetedi.
