Boks: Floıd Meıýezerdiń promoýterleri Las-Vegastaǵy arenany jalǵa aldy
ASTANA. QazAqparat - Amerıkalyq boksshy Floıd Meıýzerdiń aıqastaryn uıymdastyrýmen aınalysatyn Mayweather Promotions kompanııasy Las-Vegastaǵy MGM Grand Garden arenasyn 26 tamyzǵa jalǵa aldy.
Bul týraly Nevada shtatynyń Sporttyq komıssııasynyń saıtynda habarlandy.
Stadıon MMA jaýyngeri ırlandyq Konor Makgregor men amerıkalyqtyń jekpe-jegin ótkizý úshin rezervtelgen.
Business Insider aqparatyna qaraǵanda, bul aıqas úshin ırlandyq 75 mıllıon, amerıkalyq 100 mıllıon dollar alady.
Aıta ketsek, Makgregor men Meıýezer arasyndaǵy jekpe-jektiń bolý múmkindigi jaıly alǵashqy habar 2016 jyly mamyrda paıda bolǵan edi. 40 jastaǵy Meıýezer kásibı mansabynda 49 ret jeńiske jetken (16 nokaýt). Al ırlandyq MMA erejesi boıynsha 24 aıqas ótkizgen, onyń 21-inde utqan (18 nokaýt), 3 ret jeńilgen. Makgregor sporttyq karerasyn uly dúnıege kelýine baılanysty toqtatqan edi.
