Boks: Floıd Meıýezer Saýl Alvaresti jeńip álem chempıony atandy
ASTANA. 16 qyrkúıek. QazAqparat - Ataqty amerıkandyq boksshy Floıd Meıýezer altynshy salmaq salmaq sanatynda álem chempıony atandy.
Ol 69,9 kelige deıingi salmaq sanatynda Búkilálemdik boks keńesiniń jáne Búkilálemdik boks qaýymdastyǵynyń nusqasy boıynsha eki belbeýdi Las-Vegasta ótken raýndtyq jekpe-jekte meksıkalyq Saýl Alvaresti basym daýyspen utyp, jeńip aldy, dep habarlady ITAR-TASS.
Sharshy alańdaǵy shaıqasty kórýge shamamen 16,5 myń kórermen jınaldy. Bul kásibı boks tarıhynda rekordtyq kassa, naqty aıtqanda 19,9 mln. dollar jınaýǵa múmkindik berdi.
36 jastaǵy Meıýezer bul jekpe jegi úshin 41,5 mln. dollar, al 23 jastaǵy Alvares 5 mln. dollar kólemindegi kepildi gonorar alady.
Amerıkandyq kásibı sharshy alańda áli kúnge deıin jeńilip kórgen joq. 17 jyl boıy rıngte taıaq jep kórmegen Meıýezer 45 ret basym túsip, onyń 26-syn nokaýtpen aıaqtaǵan.
Al Alvares alǵash ret jeńilistiń aşy dámin tatyp otyr. ol 42 jekpe-jek ótkizip, onyń 30-yn nokaýtpen utqan.
