Boks federatsııasynyń vıtse-prezıdenti Rımma Volosenkonyń daýly jepe-jegine pikir bildirdi
ASTANA. KAZINFORM – Italııanyń Býsto-Arsıtsıo qalasyndaǵy Parıj Olımpıadasynyń joldamalary sarapqa salynyp jatqan týrnırdiń shırek fınalda jeńilip qalǵan Rımma Volosenkonyń daýly jepe-jegine baılanysty Qazaqstan boks federatsııasynyń vıtse-prezıdenti Azız Qojambetov pikir bildirdi.
«Olımpıada oıyndaryna lıtsenzııalyq básekeler Halyqaralyq Olımpıada komıtetiniń aıasynda ótedi. Ókinishke qaraı, HOK erejesine sáıkes, Ulttyq federatsııalar jekpe-jek qorytyndysy boıynsha tóreshiler sheshimine shaǵym bere almaıdy. Tek tóreshilerdiń jumysyna baǵa beretin baqylaýshy men baǵalaýshy bolady. Qazaqstan boks federatsııasy tarapynan osy jekpe-jekke baılanysty týrnır uıymdastyrýshylaryna narazylyǵymyzdy jetkizdik. Olar kezdesýge qazylyq etken tóreshilerdiń jumysyn qarastyryp, kinárat bolǵan jaǵdaıda aldaǵy jekpe-jekterden shettetetindikterin aıtty. Biraq, ókinishke qaraı, jekpe-jektiń qorytyndy esebi ózgertilmeıdi», - dedi Azız Qojambetov.
Esterińizge sala keteıik, keshe 60 keli salmaq dárejesinde qazaqstandyq Rımma Volosenko men slovakııalyq Mıroslava Jedınakova judyryqtasyp, ókinishke qaraı, tóreshiler jeńisti 2:3 esebimen qarsylasqa berdi. Osy nátıjeden keıin jekpe-jek qorytyndysyna baılanysty qazaqstandyq bokssúıer qaýym men belgili sport mamandary arasynda qazylar «bura tarty» degen renishterin bildirgen bolatyn.
Esterińizge sala keteıik, 8 naýryz kúni sharshy alańǵa kimder shyǵatynyn jazǵan bolatynbyz
