Boks federatsııasy 2017 jyldyń úzdikterin anyqtady
ASTANA. QazAqparat - Qazaqstan boks federatsııasy 2017 jylǵy úzdikterdi marapattady, dep habarlaıdy QazAqparat.
Erler arasynda «2017 jylǵy úzdik boksshy» nomınatsııasy boıynsha Gambýrgte ótken álem chempıonatynda «altyn» alǵan Qaırat Eralıev jeńimpaz atandy. Al áıelder arasynda bul ataqqa Azııa chempıony Madına Nurshaeva ıe boldy.
Jasóspirimder arasyndaǵy úzdik boksshy ataǵyna jastar arasyndaǵy álem chempıonatynda altyn medaldi jeńip alǵan Araılym Begdilda ıe boldy.
Al «bokstan erler arasyndaǵy úzdik jattyqtyrýshy» nomınatsııasymen Qaırat Eralıevtiń jeke jattyqtyrýshysy erler arasyndaǵy ulttyq quramanyń bas bapkeri Myrzaǵalı Aıtjanov marapatalsa, «Áıelder arasyndaǵy boksta úzdik jattyqtyrýshy» ataǵyn Madına Nurshaevanyń jattyqtyrýshysy Shamıl Safıýllın jeńip aldy.
2017 jyldyń eń jaqsy jattyqtyrýshysy ataǵy jasóspirimder quramasynyń Azııa chempıonatynda alty altyn medal alǵan Qaırat Sátjanovqa buıyrdy.
Qyzdar komandasynyń aǵa jattyqtyrýshysy Almas Qýatbekov «Qyzdar quramasynyń úzdik jattyqtyrýshysy» atalymy boıynsha úzdik atandy
Úzdik tóreshi ataǵyna QBF tóreshilik komıssııasynyń tóraǵasy Ermek Súıenish, úzdik aımaqtyq federatsııa - Asqar Qulybaev atyndaǵy týrnırdiń uıymdastyrýshysy Atyraý oblysynyń federatsııasy, al bokstan Qazaqstan federatsııasynyń eń jaqsy aqparattyq áriptesi retinde sports.kz portaly atandy
Sondaı-aq, qazaq boksyn damytýǵa jáne jas boksshylardy tárbıeleý isinde úlken úles qosqan adagerler Vıktor Grebenıýk, Aleksandr Anıkın, Bolat Nurseıitov pen Rahymjan Sydyqovtarǵa da qurmet kórsetildi.
