Boks: Fıýrı men Djoshýa jekpe-jekteri úshin 126 mln dollardan alýy múmkin

NUR-SULTAN. QazAqparat – Brıtandyq boksshylar Taıson Fıýrı men Entonı Djoshýa alǵashqy jekpe-jekteri úshin árqaısysy 100 mln fýnttan ($126 mln) alýy múmkin, dep habarlaıdy QazAqparat.

Times basylymynyń jazýynsha, sársenbide Fıýrı men Djoshýanyń eki aıqas boıynsha kelisimshartqa otyrǵany belgili bolǵan. Olardyń alǵashqysy 2021 jyldyń jazynda ótýi múmkin.

Derekkózdiń aqparatyna qaraǵanda, birinishi jekpe-jektiń jalpy syıaqy somasy 200 mln fýnt shamasynda.

Bul kezdesý brıtan boksy tarıhyndaǵy rekordtyq kórsetkish bolýy yqtımal.

Djoshýa Halyqaralyq boks federatsııasy (IBF), Dúnıejúzilik boksshylar qaýymdastyǵy (WBA) jáne Búkilálemdik boksshylar uıymy (WBO) nusqalary boıynsha chempıondyq tıtýldardyń ıegeri. Brıtandyq 23 ret qarsylasynan basym tússe (21 nokaýt), bir ret jeńilgen.

Al 31 jastaǵy Fıýrı kásipqoı boksta esh súrinip kórmegen. Ol 30 ret jeńgen (21 nokaýt) jáne bir ret teń túsken.