BOKS: Esesi ketken Pakıao Meıýezermen qarymta kezdesýge qulshynyp otyr
ASTANA. QazAqparat - Tanymal boksshy Mennı Pakıao amerıkalyq Floıd Meıýezermen jekpe-jekke shyǵatyn bolsa, fızıkalyq jaǵynan da, psıhologııalyq ta daıyndyqpen keletinin málimdedi.
Bul týraly fılıppındik boksshy amerıkalyq Fightnews saıtyna bergen suhbatynda málimdedi.
Óziniń sońǵy aıqasynda Meıýezer 3 mamyrda Las-Vegasta Pakony jeńip, 66,68 deıingi salmaqta Dúnıejúzilik boksshylar uıymy, Dúnıejúzilik boksshylar qaýymdastyǵy, Dúnıejúzilik boksshylar keńesi - úsh beldikti biriktirgen bolatyn. Kóptegen sarapshylar «ǵasyr jekpe-jegi» ataǵan bul judyryqtasý 118:110, 116:112, 116:112 upaı sany boıynsha tóreshilerdiń biraýyzdy sheshimimen amerıkalyqtyń jeńisimen aıaqtaldy. Alaıda 7 shildede amerıkalyq DBU tıtýlynan aıyryldy.
"Kelesi jyly Meıýezermen qaıta kezdeskim keledi. Oǵan moraldyq ta, fızıkalyq ta daıyndyqpen kelemin. Osy joly ózimdi dáleldeıtin bolamyn", - dedi Pakıao.
Kásibı rıngte Pakıao 57 ret basym túsken (38 nokaýt), 6 jeńilis jáne 2-eýi teń.
