Boks: Ermahan Ybyraıymov óz komandasynyń Astanada ótip jatqan Álem chempıonatynda jetistikke jetetinine senimdi

Bul týraly ol QazAqparat tilshisine bergen suhbatynda málim etti.

«Mundaı iri dodalarda bizdiń jigitter kúmis, qola medaldar oljalap keldi. Astanadaǵy álem chempıonatynda Qazaqstan quramasy jalpykomandalyq 1-oryndy ıelenýdi josparlap otyr. Biraq buǵan bizge Reseı, Ýkraına, Germanııa, Belarýs, Ázirbaıjan quramalary joıqyn qarsylastyq tanytpaq. Alaıda jarystyń óz jerimizde ótkizilýi bizdiń jigitterge kúsh beredi dep oılaımyn», - dep atap kórsetti ol.

E. Ybyraıymovtyń aıtýynsha, Astanaǵa belgisiz sebeptermen Kýba, AQSh jáne Qytaı elderiniń jasóspirim boksshylary kelmeı qalǵan. Bul jaǵdaı bizdiń komandanyń jeńiske jetýine qosymsha múmkindik bermek.

Qazaqstannyń jasóspirim boksshylary 2003 jyly Býhareste jáne 2005 jyly Lıverpýlde ótken álem birinshilikterinde úzdik úshtikke enip, óte tamasha kórsetkishterge qol jetkizgen bolatyn. Al 2009 jyly 3 kúmis jáne bir qola medalmen Qazaqstan jalpykomandalyq 9-oryndy mise tutqan edi. Álem chempıonattarynda utqan medaldar sany boıynsha bizdiń el Reseı men Ýkraınadan keıin 3-orynda. Bizdiń qorjynymyzda ár túrli jetistiktegi 34 nagrada bar.