Boks: Eralıev - el chempıony
ASTANA. QazAqparat - Búgin Pavloldarda ótip jatqan bokstan el chempıonatynda 56 kelide Qaırat Eralıev chempıon atandy, dep habarlaıdy QazAqparat.
«Qaljanovpen buǵan deıin kezdespegen edim, qarsylasym ońaı bolǵan joq. Bapkerlerimniń aıtqandaryn oryndap, jaqsy taktıka qura bildik. Óz salmaǵyńda qarsylastaryń kóp bolǵan saıyn barlyq jaǵynan shyńdala túsesiń», - deıdi Qazaqstan chempıony atanǵan Eralıev.
Aıta keteıik, bul salmaqtyń aqtyq kezdesýinde Eralıev pen mańǵystaýlyq Nurbol Qaljanov qolǵap túıistirgen bolatyn. Tartysty ótken jekpe-jektiń nátıjesinde tóreshilerdiń 2-1 esebimen Qaırat jeńiske jetti.
