BOKS: Elimizdiń tórt qalasynda «QFB-2015» Kýbogy úshin jekpe-jekter ótedi
ASTANA. QazAqparat - 20-23 tamyz aralyǵynda Qazaqstannyń eki qalasynda (Atyraý, Taldyqorǵan) Qazaqstan boks federatsııasy Kýbogynyń shırek fınaldyq jarysy ótedi.
Eki shırek fınal 27-30 tamyzda Aqtaý men Astanada ótedi, dep habarlady atalmysh federatsııadan. Tolyqtaı top quramy mynadaı: A toby - Atyraý, Ońtústik Qazaqstan, Soltústik Qazaqstan jáne Jambyl oblysy. V toby - Qyzylorda, Aqtóbe, Mańǵystaý oblystary jáne Almaty. S toby - Qostanaı, Qaraǵandy, Pavlodar jáne Almaty oblysy. D toby - Aqmola, Shyǵys Qazaqstan, Batys Qazaqstan oblysy jáne Astana. A tobyndaǵy jarys Atyraý (20-23 tamyz), V tobyndaǵy jarys - Aqtaý (27-30 tamyz), S tobyndaǵy jarys - Taldyqorǵan (20-23 tamyz), D tobyndaǵy jarys - Astana (27-30 tamyz) qalalarynda ótedi. Ár 16 komandada 20 sportshydan bar (10 - negizgi quram, 10 - rezerv). Eki komandanyń ár kezdesýi ár salmaq sanatynda bir-birden - 10 jarystan turady. Kýboktyń jartylaı fınaly men fınaly 14 jáne 15 jeltoqsanda ótedi. Boks federatsııasynyń kýbogy - Qazaqstan boks federatsııasynyń prezıdenti Tımýr Qulybaevtyń bastamasymen qurylǵan respýblıkalyq jarys. Ótken maýsymdarda Kýbok ıegerleri Astana (2010, 2013), Qaraǵandy (2011), Mańǵystaý (2012) jáne Jambyl (2014) komandalary atandy.
