Boks: el birinshilinginde Astana boksshylary birinshi orynǵa ıe boldy
ASTANA. 21 aqpan. QazAqparat /Jasulan Amanbaıuly/ - Keshe, 20 aqpan kúni bokstan Qazaqstan birinshiligi óz máresine jetti.
Almatyda ótken jarys qorytyndysy boıynsha Astana qalasanyń boksshylary jalpy esepte birinshi oryndy ıelendi.
Elordalyqtardyń enshisinde 2 altyn, 3 kúmis, 1 qola medal bar. 2 altyn jáne 3 qola medalǵa ıe bolǵan Jambyl oblysynyń boksshylary ekinshi orynǵa jaıǵasty. Al úshinshi orynǵa Qostanaı oblysynyń sportshylary ıe boldy, olardyń qanjyǵasy 1 altyn jáne 2 qola júldemen maılandy.
Al OQO bir jyl burynǵy sátsizdikti qaıtalap, birde bir altyndy ıelene almady. Qurama 3 kúmis, 1 qola jeńip aldy.
Bul jolǵy chempıonatta Danııar Eleýsinov, Rýstam Sybaev, Vasılıı Levıt jáne Ivan Dychko ózderiniń joǵary deńgeıdegi sportshylar ekendikterin taǵy bir dáleldedi. Danabek Sýjanov, Álı Baıbozov, Mádı Sholaqov jáne Aıdar Ámirzaqov (Ámirzaqovtyń aqtyq syndaǵy jeńilisine qaramastan) el ishindegi bedelderin nyǵaıtty. Ǵanı Jaılaýov ta Qazaqstannyń myqty boksshysy atandy. Al birinshi kezdesýde oqystan jeńilis tapqan Birjan Jaqypov áli de bolsa daıyndalý qajettigin uǵynǵandaı.
Dodadaǵy jańa esimderge keletin bolsaq, boks sarapshylarynyń aıtýynsha, buryndary attary belgisiz Azamat Isaqulov (49 kg) jáne Arman Rysbek (81 kg) syndy sportshylardyń bıik tuǵyrdan kórinýi respýblıka birinshiliginiń eń basty oqıǵasy bolyp otyr.
