Boks: Denıel Gıl Golovkındi jekpe-jekke shaqyrdy
ACTANA. 10 jeltoqsan. QazAqparat - Qazaqstandyq boksshy Gennadıı Golovkınniń komandasy orta salmaqtaǵy burynǵy álem chempıony avstralııalyq Denıel Gıldiń shaqyrýyn qabyl aldy.
Keshe Gıl aqparat quraldaryna bergen suhbatynda kelesi kezdesýin Golovkınge qarsy ótkizip, WBA dárejesindegi chempıondyq belbeýin tartyp alǵysy keletinin aıtqan. Jerlesimizdiń promoýteri Tom Lefflerdiń aıtýynsha, Gıl Golovkınmen kezdesý úshin ol Monakodaǵy jekpe-jegin abyroımen atqarýy kerek.
«Gıl Golovkınmen WBA beldigi úshin qalaǵan ýaqytta kezdese alady. Tipti, biz onyń promoýterine 1 aqpanda Monakoda jekpe-jek uıymdastyrýǵa usynys ta jasadyq. Alaıda olar usynysymyzdy qabyldamady. Endi Genanyń Osýmanýǵa qarsy shyǵýyna týra keledi. Sonan soń, Gıl qalap jatsa, jekpe-jek uıymdastyra jatarmyz», - deıdi Tom Leffler.
Esterińizde bolsa, 2014 jyldyń 1 aqpanynda Golovkın Monte-Karloda WBA dárejesindegi ataǵyn onynshy ret, al IBO dárejesindegi ataǵyn jetinshi ret qorǵaıdy. Bul onyń kásibı rıngtegi 29-shy jekpe-jegi bolmaq. Otandasymyz búginge deıin 28 kezdesý ótkizip, barlyǵynda basym tústi, onyń 25-inde qarsylastaryn nokaýtpen jeńgen. Golovkınniń odan keıingi kezdesýi keler jyldyń 26 sáýirine josparlanǵan. Jekpe-jektiń óter orny men qarsylasy ázirge belgisiz, dep habarlaıdy Baq.kz.
