BOKS: Dáýren Eleýsinov AQSh-taǵy kelesi jekpe-jekti naýryz aıynda ótkizedi
ASTANA. QazAqparat - Qazaqstannyń kásipqoı boksshylarynyń biri Dáýren Eleýsinov kelesi jekpe-jegin naýryz aıynyń basynda AQSh-ta ótkizedi, dep habarlady boxingnews.kz.
«Dáýren qazir Astana qalasynda. AQSh-taǵy alǵashqy saıysynan keıin elge oraldy. Jaqynda taǵy da muhıt aspaq. Ózimen birge otbasyn da ala ketýdi josparlap otyr. Ol qazir iskerlik vızany kútýde, buǵan deıin saıahatshy retinde bardy. AQSh-taǵy ekinshi jekpe-jegi 6 naýryzda ótedi. Qarsylasy ázir anyqtalǵan joq», - dedi boksshynyń inisi Danııar atalǵan saıtqa bergen suhbatynda.
Eske sala keteıik, Nıý-Iork qalasynda 2014 jyly jeltoqsan aıynyń 3-i kúni Dáýren kásibı rıngte alǵashqy jekpe-jegin ótkizgen bolatyn. Onda ol amerıkalyq jas boksshy Entonı Meddondy birinshi raýndta nokaýtpen jeńgen bolatyn.
Qańtar aıynyń basynda sportshymyz kásibı bokste eń yqpaldy menedjer El Heımonmen kelisimshartqa otyrdy.
