BOKS: Danııar Eleýsinov álem chempıonatynyń kúmis júldegeri atandy
ASTANA. QazAqparat - Dohada bokstan ótip jatqan álem chempıonatynyń fınalynda 69 keli salmaqta Qazaqstan quramasynyń kapıtany Danııar Eleýsinov marokkolyq Mohammed Rabıımen rıngke shyqty.
Tóreshiler úsh raýndta da jeńisti marokkolyq boksshyǵa berdi. Esep 3:0. Sóıtip baby men baǵy kelispedi me, Danııar kúmis júldeni qanaǵat tutty. Degenmen D.Eleýsinov osy chempıonatta Olımpıada joldamasyn ıelendi. Endi Rıo-de-Janeıroda Danııar júldege qol sozady dep úmittenemiz. Al M.Rabıı Marokko eliniń tarıhynda tuńǵysh ret álem chempıony atandy. Aıta keteıik, asa aýyr salmaqta taǵy bir qazaqstandyq boksshy Ivan Dychko altyn júlde úshin frantsııalyq Tonı Iokamen kúsh synasady.
