Boks: «Chemistry Cup-2012″ dodasynyń fınalyna eki qazaq boksshysy shyqty
ASTANA. 17 naýryz. QazAqparat - Germanııanyń Galle qalasynda ótip jatqan «kishi álem chempıonatyna» balanatyn «Chemistry Cup-2012″ dodasynyń fınalyna eki qazaq boksshysy shyqty. Al qos úmitimiz qolaǵa qol sozdy.
«Alaman» ulttyq sport portalynyń málimetinshe, keshe Ǵanı Jaılaýov jartylaı fınalda qarsylasyn jeńip, sheshýshi aıqasqa shyqty. Al 75 kelidegi Danabek Sýjanov qola medalǵa ıe boldy. Al tún aýa Serik Sápıev sharshy alań ıesi Patrık Vodjıskıdi útyp (11:6), fınalǵa shyqty. Seriktiń endigi qarsylasy taǵy bir nemis boksshysy Araık Marıtjan. 81 kelide Ádilbek Nııazymbetov, ókinishke oraı, reseılik Egor Mehottsevke ese jiberdi - 11:17. Ádilbektiń qorjynynda qola júlde.
Esterińizge sala keteıik, Ǵanı Jaılaýov fınalda brazılııalyq Robsen Goseıkaomen kúsh synasady. Bul dúbirli dodanyń fınalyna eki qazaq boksshysynan bólek, 5 orys, 4 nemis, 3 brazıl, 2 ózbek, 2 qytaı, 1 mońǵol, 1 ırlandııalyq bylǵary qolǵap sheberleri shyqty.
