Boks: Búgin WSB serııasynyń jeńimpazy anyqtalady
Aıta keteıik, osy kúnderi Qytaıdyń Sıamyn qalasynda Búkilálemdik boks serııasynyń fınaldyq kezeńi ótýde. Onda «Astana Arlandarynyń» qarsylastary - kýbalyq komanda. Ókinishke qaraı, aqtyq syndaǵy alǵashqy matchta qazaqstandyq 5 boksshy jeńiske jete almady.
Atap aıtqanda, jekpe-jekter 49 keli salmaqta Temirtas Júsipov - Damıan Arse Dýarte (1:0), 56 kelide Іlııas Súleımenov -Osvel Davıd Garsııa (1:1), 64 kelide Dilmurat Májıtov - Endı Krýs (1:2), 75 kelide Ábilhan Amanqul - Osleıs Iglesıas Estrada (2:2) jáne 91 kelide Nurbol Áltaev - Erıslando Savon (2:3) juptary arasynda ótti.
Fınaldaǵy ekinshi ári sheshýshi kezdesý 28 qyrkúıek kúni ótedi. Búgin rıngke «arlandardyń» taǵy 5 boksshysy shyǵady. Olar - Sáken Bıbosynov (52 kg), Zakır Safıýllın (60 kg), Aslanbek Shymbergenov (69 kg), Bek Nurmaǵanbet (81 kg), Qamshybek Qunqabaev (+91 kg). Upaılar teń túsken jaǵdaıda qarsylasymen qosymsha aıqasty Bekdáýlet Ibragımov (64 kg) ótkizedi.