BOKS: Búgin «Qazaqstan Prezıdentiniń kýbogy» Halyqaralyq týrnırinde fınaldyq kezdesýler bastaldy
ALMATY. QazAqparat- Búgin Almatyda Balýan Sholaq atyndaǵy sport saraıynda bokstan eresekter arasynda «Qazaqstan Respýblıkasy Prezıdentiniń kýbogy» IV Halyqaralyq týrnıriniń fınaldyq kezdesýleri bastaldy.
Keshe jartylaı fınaldyq jekpe-jekterde 11 qazaqstandyq bylǵary qolǵap sheberi aqtyq synǵa joldama alǵan bolatyn.
Saıystar 49, 52, 64,69,75,81 jáne 91 salmaq dárejesinde ótti.
Atap aıtar bolsaq, Jomart Erjan (49 kg), Іlııas Súleımenov (52 kg), 2013 jylǵy Qazaqstan chempıony Almasbek Álıbekov (64 kg), Nurjan Bekzatov (+91 kg), Qamshybek Qońqabaev (+91 kg) jeńilistiń aşy dámin tatsa, 2013 jylǵy álem chempıony Birjan Jaqypov (49 kg), Qaırat Eralıev (56 kg), Janbolat Tilegenuly (56 kg), Danııar Eleýsinov (69 kg), Saǵadat Rahmanqulov (69 kg), Jánibek Álimhanuly (75 kg), Ádilbek Nııazymbetov (81 kg), Dáýren Eleýsinov (81 kg) jáne Ivan Dychko jartylaı fınaldan súrinbeı aqtyq synǵa shyqty.
Bul jerde bir aıta ketetin jáıt, 56 keli salmaq dárejesinde óner kórsetip jatqan Janbolat Tilegenuly shırek fınalda London Olımpıadasynyń chempıony Robeısı Ramırezdi tize búktirse, keshe jartylaı fınalda London Olımpıadasynyń fınalısi mońǵoldyq boksshy Týgtsogt Noıambaıardy tize búktirdi. Endi ótken jyly ǵana el birinshiginde ǵana kóge túsken jas boksshy fınaldy otandasy Qaırat Eralıevpen kezdesedi.
69 keli salmaq dárejesinde sharshy alańǵa shyqqan 2013 jylǵy Qazaqstan chempıony Saǵadat Rahmanqulov jartylaı fınalda 2013 jylǵy álem birinshiliginiń fınalısi kýbalyq Arısnodıýs Dıspeındi aıqyn basymdyqpen jeńip, kórermenniń ystyq yqylasyna bólendi.
Sonymen búgingi aqtyq synda sharshy alańǵa myna tómendegi bylǵary qolǵap sheberleri shyǵady:
49kg: Birjan Jaqypov (Qazaqstan) - Hasanbaı Dosmatov (Ózbekstan)
52 kg: Reı Salýdar (Fılıppın) - Shahobıddın Zoırov (Ózbekstan)
56 kg: Qaırat Eralıev (Qazaqstan) - Janbolat Tilegenuly (Qazaqstan)
60 kg: Berik Ábdirahmanov (Qazaqstan) - Charlı Sýarez (Fılıppın)
64 kg: Výttıchaı Masýk (Taıland) - Lýıs Olıva Gener (Kýba)
69 kg: Danııar Eleýsinov (Qazaqstan) - Saǵadat Rahmanqulov (Qazaqstan)
75 kg: Jánibek Álimhanuly (Qazaqstan) - Dmıtrıı Mıtrofanov (Reseı)
81 kg: Ádilbek Nııazymbetov (Qazaqstan) - Dáýren Eleýsinov (Qazaqstan)
91 kg. deıin: Anton Pınchýk (Qazaqstan) - Rýıs Kordova Herıh (Kýba)
91 kg joǵary: Ivan Dychko (Qazaqstan!) - Iorandı Toırak Ortega (Kýba)
Búgingi fınaldyq jekpe-jekter ádettegideı Balýan Sholaq atyndaǵy sport saraıynda ótip jatyr.
Kirý tegin.
Sonymen qatar www.kfb.kz saıtynda tikeleı onlaın-translıatsııa júrgiziledi.
