BOKS: Birjan Jaqypov 2016 jylǵy Olımpıada joldamasyn jeńip aldy
ASTANA. QazAqparat - Bokstan álem chempıony Birjan Jaqypov Rıo-de-Janeıroda Olımpıadaǵa qatysýǵa múmkindik beretin joldamany jeńip aldy, dep habarlady Vesti.kz.
31 jastaǵy Jaqypov AIBA Pro Boxing olımpıada týrnıri jelisi boıynsha ótken jekpe-jekte ekvadorlyq Karlos Edýardo Kýıpo Pılataksıden basyp túsip, Oıyndarǵa qatysý quqyǵyna ıe boldy.
Týrnır chempıonynyń belbeýi sarapqa salynatyn jarys fınalynda qazaqstandyq qytaılyq boksshy tıtýl ıegeri Lıý Bınmen kezdesedi. Olar budan buryn da kúsh synasyp kórgen. Onda Aspan asty eli sportshysynyń mereıi ústem bolǵan edi.
Eske sala ketsek, aqtyq syn 11-12 qyrkúıekke belgilenip otyr.
