Boks: Beıbit Shúmenovtiń qarsylasy jekpe-jekke shyǵa almaıdy
ALMATY. 5 qańtar. QazAqparat /Erlik Erjanuly/ - Shymkentte 8 qańtarda jartylaı orta salmaqtaǵy Dúnıejúzilik boks qaýymdastyǵy (WBA) nusqasy boıynsha Álem chempıony Beıbit Shúmenov pen Dúnıejúzilik boks uıymy (WBO) nusqasy boıynsha Álem chempıony ıÝrgen Bremer arasyndaǵy tıtýl biriktirý jekpe-jegi ótpeıtin boldy.
Shymkentte ishek-qaryn joly aıaq asty syr bergen nemis bylǵary qolǵap sheberi jedel Germanııaǵa qaıtyp ketken. Qazaqstandyq boksshynyń promoýteri Den Gýssenniń sózine qaraǵanda, olar bul týraly qazaqstandyqtardy kesh qulaǵdar etken.
Dúnıjúzilik boks qaýymdastyǵy nusqasy boıynsha Álem chempıony ataǵyn Beıbit Shúmenov byltyr 29 qańtarda AQSh-tyń Nevada shtatyndaǵy Las-Vegas qalasynda ótken kezdesýde jeńip alǵan bolatyn. 12 raýndtyq jekpe-jekte jerlesimiz ıspandyq Gabrıel Kampılony upaı sany boıynsha (117-111, 115-113, 117-111) utty. Oǵan deıin onyń qorjynynda Búkilálemdik boks qaýymdastyǵynyń Azııa-Tynyq muhıt aımaǵynyń (WBO Asia Pacific) jáne Búkilálemdik boks keńesiniń Azııa boks keńesiniń (WBC Asian Boxing Council), Panazııalyq boks qaýymdastyǵynyń (RAVA) nusqalary boıysha chempıondyq beldikteri bar bolatyn.
Qazirgi tańda B. Shúmenovtyń qorjynynda Dúnıejúzilik boks qaýymdastyǵynyń Azııa-Tynyq muhıt aımaǵynyń (WBO Asia Pacific) jáne Búkilálemdik boks keńesiniń Azııa boks keńesiniń (WBC Asian Boxing Council), Panazııalyq boks qaýymdastyǵynyń (RAVA) chempıony jáne Búkilálemdik boks qaýymdastyǵynyń nusqalary boıynsha Álem chempıony belbeýi bar.
Tamyzdyń 19-ynda 27 jasqa tolatyn Beıbit byltyr shildeniń 23-i kúni AQSh-tyń Kalıfornııa shtatynyń Lemýr qalasynda Dúnıejúzilik boks qaýymdastyǵynyń nusqasy boıynsha Álem chempıony ataǵyn sátti qorǵap shyqty. Onda ol birde-bir ret jeńilis tappaǵan (22 kezdesý ótkizip, onyń 12-sin nokaýtpen aıaqtaǵan) Dúnıejúzilik boks qaýymdastyǵynyń qurlyqaralyq chempıony ýkraınalyq Vıacheslav Ýzelkovty utty. 12 raýndyq bul jekpe-jekke qazylar 118:108, 118:108 jáne 117:109 degen upaı berdi.
