BOKS: Beıbit Shúmenov amerıkalyq boksshy Djýnıor Raıtty tize búktirdi
ASTANA. QazAqparat - Qazaqstandyq boksshy Beıbit Shúmenov amerıkalyq bokshsy Djýnıor Raıtty jeńip, WBA nusqasy boıynsha birinshi aýyr salmaqta «turaqty» álem chempıony tıtýlyn jeńip aldy. Endi qazaqstandyq boksshy Beıbit Shúmenov jáne Reseı bylǵary qolǵap sheberi Denıs Lebedev aldaǵy 120 kún ishinde ózara jekpe-jek uıymdastyrýy kerek, dep habarlady Vesti.kz.
Shúmenov Las-Vegas qalasynda 12 raýndtyq kezdesýde amerıkalyq Djýnıor Raıtty 10-shy raýndta tehnıkalyq nokaýtpen tize búktirip, WBA nusqasynyń birinshi aýyr salmaqtaǵy turaqty chempıony tıtýlyn jeńip aldy. Al, Lebedev Máskeýde Argentına boksshysy Vıktor Ramıresti ekinshi raýndta jeńip, WBA jáne IBF nusqalarynyń álem chempıony tıtýldaryn biriktirdi. WBA erejesi boıynsha Lebedev «sýperchempıon» atanady da, turaqty chempıon belbeýi Shúmenovke beriledi. Endi qazaqstandyq boksshy Lebedevpen 120 kún ishinde qolǵap túıistirýi shart. Jeńgeni chempıondyq beldikti juma kúni frantsýz boksshysy Ioýrı Kalengany jeńgen kýbalyq Ionıera Dortıkostan qorǵaýy qajet bolady.
