BOKS: Berik Ábdirahmanov AIBA Pro Boxing týrnıriniń fınalyna shyqty
ASTANA. QazAqparat - 60 keli salmaq sanatyndaǵy qazaqstandyq boksshy Berik Ábdirahmanov AIBA Pro Boxing (APB) lıtsenzııalyq olımpıadalyq týrnıriniń fınalyna shyqty, dep habarlady Vesti.kz.
2013 jylǵy álem chempıonatynyń qola júldegeri úshinshi týrda brazılııalyq Robson Konseısaomen kezdesti. Jekpe-jek nátıjesinde Ábdirahmanov upaı sanymen jeńiske jetti - 58:56, 58:56, 57:57.
Osylaısha, qazaqstandyq sportshy týrnırdegi úshinshi jeńisine qol jetkizdi. 2016 jylǵy Olımpıadalyq oıynǵa joldama alý úshin Ábdirahmanov endi ózbekstandyq Hýrshıd Tojıbaevpen kezdesedi, ol da qarsylastarynan úsh ret basym túsken.
