BOKS: Bekman Soılybaevtyń 27 tamyzda ótetin jekpe-jektegi qarsylasy belgili boldy
ASTANA. QazAqparat - Qazaqstandyq jas boksshy Bekman Soılybaev óziniń kezekti jekpe-jegin beısenbi, 27 tamyzda ótkizedi. Aıqas OrangeCounty oıyn-saýyq ortalyǵynda ótedi, dep habarlady Diamondring.kz.
Bekmannyń altynshy jekpe-jeginde onyń qarsylasy Hose Lýıs Araıza (Jose Luis Araiza) bolmaq. Mansabyn 1998 jyly bastaǵan 36 jastaǵy mekıskalyq boksshy 25 jastaǵy Bekman Soılybaev úshin osy kezeńdegi eń tájirıbeli boksshy sanalady. Meksıkalyqtyń qanjyǵasynda 45 aıqas bar, onyń 31-i jeńispen, 22-sin merziminen buryn aıaqtasa, 13-inde jeńiliske ushyraǵan, bir aıqasty teń oıynmen aıaqtaǵan. «Ózimniń kásibı turǵydan jetilip kele jatqanymdy sezinemin, sony aldaǵy ýaqytta kórsetkim keledi, kelesi aıqasty taǵatsyzdana kútip júrmin...», - dep oıymen bólisti Bekman. Jekpe-jek 27 tamyzda Kalıfornııada ótedi. Ýaqyt aıyrmashylyǵyna baılanysty qazaqstandyq jankúıerler sharshy alańdaǵy judyryqtasýdy 28 tamyzda tamashalaıtyn bolady. Eske sala keteıik, B.Soılybaev Kalıfornııa shtatyndaǵy Chıno qalasynda 2 tamyzda ótken jekpe-jekte meksıkalyq Serhıo Naherdi kezdesýdiń nebári 38-shi sekýndynda-aq sulatqan bolatyn.
