Boks: Batyrjan Júkembaev Monrealda sharshy alańǵa shyǵady
ASTANA.QazAqparat - Birinshi jartylaı orta salmaqtaǵy qazaqstandyq boksshy Batyrjan Júkembaev (11-0-0, 9KO) 2018 jyldyń alǵashqy jekpe-jegin 31 naýryz kúni ótkizedi, dep habarlaıdy QazAqparat.
Boksshy Instagram paraqshasynda aldaǵy boks keshiniń baspasóz máslıxatynan fotolar jarııalap, sharshy alańǵa 31 naýryz shyǵatynyn málim etti.
Aıta keteıik, aıtýly boks keshinde jeńil salmaqtaǵy qazaqstandyq boksshy Abylaıhan Qusaıynov (7-0-0, 5KO) jáne Nurzat Sabırov óner kórsetedi.
BoxRec portalynyń málmetterine qaraǵanda, boks keshi 31 naýryz kúni Kanadanyń Monreal qalasy Montreal Casino kesheninde ótedi. Ázirge qazaqstandyq boksshylardyń qarsylastary belgisiz.
Eske sala keteıik, Júkembaev sońǵy jekpe-jegin 2017 jyldyń 16 jeltoqsanynda ótkizip, meksıkalyq Ýılbert Lopesty (20-9-0, 14KO) upaı aıyrmashylyǵymen jeńgen bolatyn.
Keshe qazaqstandyq boksshylar Batyr Júkembaev, Abylaıxan Hýsaınov, Nurzat Sabırov jáne kanadanyń basqa da boksshylarynyń qatysýymen 31 naýryzda ótetin boks keshiniń baspasóz máslıxaty ótti. Boksshylardyń qarsylastary jýyq arada belgili bolady. ------------------------------------------ #batyrjukembaev #ablaykhankhussainov #kazakhstan #astana #almaty #kazboxing #boxing #batyroff #batyrteam #canada #777 #ibo #caneloggg #usa #traning #lasvegas #tmobile #saunderslemieux #hbo #hboboxing #wbo #astanaarlans #nationalteam #aibaboxing #aiba #zabjudah #usa
