Boks: Batyr Júkembaevtyń qarsylasy aýysty

ASTANA. QazAqparat - Qazaqstandyq nokaýter Batyr Júkembaevtyń Kanadada ótetin aıqasyndaǵy qarsylasy aýysty. Otandasymyzdyń qarsylasy vıza máselesine baılanysty Kanadaǵa kire almaǵan, dep habarlaıdy QazAqparat.

Áý basta otandasymyz meksıkalyq Karlos Hımenespen qolǵap túıistiretini habarlanǵan. Alaıda meksıkalyqtyń vızaǵa baılanysty máselesi týyndap, boksshy Kanadaǵa kire almaı qalǵan. Onyń ornyna Júkembaevpen basqa meksıkalyq - Hılberto Mesa kezdesetin boldy.

Mesaǵa qarsy aıqas qazaqstandyq úshin 15-shi bolaıyn dep tur. Oǵan deıingi 15 kezdesýdiń bárin de (12-sin nokaýtpen) Batyr jeńispen aıaqtaǵan edi. Hılberto Mesa osyǵan deıin 16 kezdesý ótkizip, onyń beseýinde qarsylastaryna ese jibergen.

Aldaǵy aıqastyń tikeleı translıatsııasyn «Habar» arnasynan 17 naýryz kúni saǵat 08.00 ýaqytynda kórýge bolady.

Eske sala ketsek, Batyr sońǵy kezdesýin Kanadanyń Kvebek provıntsııasyndaǵy Centre Videotron arenasynda ótkizgen bolatyn. Ol meksıkalyq tanymal boksshy Patrısıo Morenomen (20-2, 14 KO) shyǵyp, on raýndqa eseptelgen jekpe-jek merziminen buryn aıaqtaldy. Júkembaev tanymal qarsylasyn 7-raýndta tehnıkalyq nokaýtpen jeńdi. Endi Batyrdyń jeńisteriniń sany 14-ke jetti, al qarsylasy karerasynda úshinshi ret jeńilgen.