Boks: Báshenov Avaktan aılasyn asyrdy

Tóreshilerdiń 49-46, 48-47, 48-46 esebimen jeńis Qazaqstan quramasy kapıtanynyń qanjyǵasyn maılady. Kelesi kezekte sharshy alańǵa 75 keli salmaq sanatyndaǵy Meıirim Nursultanov pen Sýhrob Sıdıkov kóteriletin bolady. Odan keıin Vasılıı Levıt pen Vıtalıı Kýdýhov judyryqtasýy tıis. Aıta keteıik, elordadaǵy «Dáýlet» sport kesheninde Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandary» men Reseıdiń «Rashn Boksın Tım» komandasy arasyndaǵy kezdesý ótýde. Búgin 5 jup judyryqtasady. Eki komanda arasyndaǵy qalǵan salmaq sanatyndaǵy boksshylardyń jekpe-jegi erteń ótedi. Bul kúni sharshy alańda Oljas Sáttibaev pen Karen Arýtıýnıan (52 keli), Zakır Safıýllın men Artýr Sýbhankýlov (60 keli), Nurdáýlet Jarmanov pen Edýard ıAkýshev (81 keli), Erkin Muhamedjan men Dmıtrıı Zaıtsev (91 keliden joǵary) aıqasatyn bolady. Al 69 keli salmaq sanatynda el namysyn Aslanbek Shymbergenov qorǵap, reseılik ıAkýb Nýrıevpen judyryq túıistirýi tıis edi. Biraq, jattyqtyrýshylar onyń ornyna Danııar Eleýsinovti shyǵarý týraly sheshim qabyldady.