Boks: Bakýdegi álem chempıonatynan qazaqstandyqtar medalsiz qaıtty
ASTANA. Mamyrdyń 4-i. QazAqparat /Ernur Aqanbaı/ - Ázirbaıjan astanasy Baký qalasynda ótken bokstan jastar arasyndaǵy álem chempıonatynan Qazaqstan quramasy medalsiz qaıtty,
dep habarlaıdy QazAqparat.
Aıta keteıik, bul chempıonatta Qazaqstan namysyn 48 kıláde Ánýar Muzafarov, 51 kıládá Nurlan Ábjanov, 54 kıláda Rýslan Mádıev, 57 kıláda Darhan Jumsaqbaev, 60 kıláda Sabyrjan Baqbergenov, 64 kıláda Meıirim Nursultanov, 69 kıláda Jánibek Álimhanuly, 75 kıláda Ádilet Raqyshev, 81 kıláda Arbek Ábdýǵanıev, 91 kıláda Asqar Kúpensheev, al asa aýyr salmaqta (91 kıládan joǵary) Daýlet Musabaev qorǵady.
Osylardyń arasynda tek ekeýi ǵana, atap aıtqanda Nurlan Ábjanov pen Jánibek Álimhanuly shırek fınalǵa deıin jetti. Shırek fınalda N. Ábjanov mysyrlyq Mahmýd Abdelaaldan, al J. Álimhanuly ózbek Ahmad Mamadjanovtan jeńilip qaldy. Sóıtip, osydan bir aı buryn ótken Azııa chempıonatynda top jarǵan Qazaqstannyń jastar quramasy Bakýdegi álem chempıonatynan birde-bir medal enshileı almady.
