Boks: Azııa chempıonatyna baratyn qazaqstandyq boksshylar anyqtaldy
NUR-SULTAN. QazAqparat - Bokstan Azııa chempıonatynda baq synaıtyn Qazaqstan quramasynyń tolyq quramy belgili boldy, dep habarlaıdy QazAqparat tilshisi.
Azııa chempıonaty 16-26 sáýir kúnderi Taıland astanasy - Bangkok qalasynda ótkiziledi. Qurlyqtyq dodada Temirtas Júsipov (49 keli), Ánýar Muzaparov (52 keli), Qaırat Erálıev (56 keli), Zakır Safıýllın (60 keli), Sanatálı Tóltaev (64 keli), Aslanbek Shymbergenov (69 keli), Tursynbaı Qulahmet (75 keli), Bek Nurmaǵanbet (81 keli), Vasılıı levıt (91 keli) jáne Qamshybek Qońqabaev (91 keliden joǵary) el namysyn qorǵaıdy.
Ulttyq quramanyń bas bapkeri Ǵalym Kenjebaevtyń aıtýynsha, 69 jáne 75 keli salmaqtaǵy boksshylardan ózgesiniń barlyǵy - elimizdiń birinshiliginde chempıon atanǵan jigitter. Buryn 69 kelide Abylaıhan Júsipov baq synasa, 75 kelide Ábilhan Amanqul negizgi boksshy bolyp sanalady. Olar budan burynǵy jarystan alǵan jaraqatynan tolyq aıyqqan joq.
Azııa chempıonatyna elimizdiń tájirıbeli bylǵary qolǵap sheberleri barady dep josparlanyp otyr. Bul boksshylar talaı jarystarda el namysyn abyroımen qorǵap keledi.
