Boks: Azııa birinshiliginiń jartylaı fınalynda qazaqstandyqtar kimmen judyryqtasady
ASTANA. QazAqparat - Vetnamnyń Hoshımın qalasynda bokstan áıelder arasyndaǵy Azııa chempıonatynyń jartylaı fınalyndaǵy otandastarymyzdyń qarsylastary belgili boldy, dep habarlaıdy QazAqparat tilshisi.
Osyǵan deıin habarlaǵanymyzdaı Azııa birinshiliginiń jartylaı fınalyna alty qazaqstandyq burymdy boksshy shyqqan bolatyn.
51 keli salmaqta Nazym Qyzaıbaı KHDR boksshysy Peng Chol Mımen judyryqtassa, 64 keli salmaqta Madına Nurshaeva Taıland qyzy Laopım Pımvılaımen kezdesedi.
Al 69 keli salmaqta Valentına Halzova Úndistannan kelgen sportshy - Borgoın Lovlınaǵa qarsy sharshy alańǵa shyǵady. Azııanyń qazirgi 75 keli salmaqta el namysyn qorǵap jatqan arýymyz Darıǵa Shákimova óziniń eski qarsylasy qytaılyq Lı Kıanmen jekpe-jekke shyǵady. Sondaı-aq, 81 keli salmaqtaǵy taǵy bir otandasymyz Móldir Bazarbaeva da qytaılyq boksshy ıAn Sıaolımen judyryqtasady.
Altynshy boksshymyz +81 keli salmaqta óner kórsetip jatqan Lázzat Kúngeıbaeva jartylaı fınalda vetnamdyq Nı Tranǵa qarsy aıqasady.
