Boks: Atyraýda ótken halyqaralyq týrnırde mońǵolııalyq qazaq chempıon atandy
ATYRAÝ. QazAqparat - Atyraýda bes kúnge sozylǵan Isataı Taımanuly men Mahambet Ótemisulyn eske alýǵa arnalǵan bokstan eresekter arasyndaǵy halyqaralyq týrnır máresine jetti, dep habarlaıdy QazAqparat tilshisi.
Dástúrli týrnırge bıyl Iran, Reseı, Ózbekstan, Qyrǵyzstan, Ázerbaıjan, Mońǵolııa jáne Qazaqstan memleketterinen 100-ge jýyq bylǵary qolǵap sheberi qatysty.
«Birinshi kezekte bundaı Halyqaralyq deńgeıdegi jarystyń Atyraý jerinde onynshy márte uıymdastyrylyp jatqanyn erekshe aıta ketken jón. Isataı Taımanuly men Mahambet Ótemisulynyń elimizdiń tarıhynda alar orny erekshe. Batyr babalarymyzdyń erlik isteri kópke úlgi. Jylma-jyl jarysymyzdy ádil túrde joǵary deńgeıde ótkizýge tyrysamyz. Mysaly, bıyl sportshylardy marapattaý úshin Olımpıada chempıony Aleksandr Vınokýrov pen áıgili aýyr atletimiz Ilıa Ilın keldi», - deıdi Atyraý oblysy boks federatsııasynyń atqarýshy dırektory Dinmuhamed Sháripbaev.
Beıresmı komandalyq esepte Atyraý oblysynyń komandasy 10 medal jeńip aldy. Odan bólek Iran, Mońǵolııa jáne Reseı memleketteri bir-birden altyn medal ıelendi. Týrnırdiń úzdik boksshysy bolyp Atyraýlyq Asylhan Uzaqbaev tanyldy.
Aıta ketý kerek, 56 kelide judyryqtasqan Mońǵolııalyq Nurlan Asqar - etnıkalyq qazaq. Ol óz salmaǵynda qarsylas shydatpaı, chempıon atandy.
Abaı Abylaev
Illıýstratsııalyq foto
