Boks: Astanada tórt eldiń komandalarynyń qatysýymen halyqaralyq týrnır ótedi
ASTANA. Naýryzdyń 3-i. QazAqparat /Ernur Aqanbaı/ - Naýryzdyń 14-i men 19-y aralyǵynda Astanada Qazaqstan, Ózbekstan, Ázirbaıjan jáne Ýkraına ulttyq quramalarynyń qatysýymen bokstan halyqaralyq týrnır ótedi,
dep habarlaıdy QazAqparat.
Sporttyq sharany Qazaqstan Boks federatsııasy uıymdastyrǵaly otyr. Jarysqa qatysatyn komandalardyń quramynda Álem, Eýropa jáne Azııa chempıonattarynyń júldegerleri men jeńimpazdary bar. Matchtyq kezdesý 11 salmaq dárejesi boıynsha AIBA-nyń erejelerine sáıkes ótkiziledi. Bul týrnırde Qazaqstan namysyn Birjan Jaqypov (48 kılá), Mıras Jaqupov (51 kılá), Danııar Tólegenov (54 kılá), Dýman Álimov (57 kılá), Aıdar Ámirzaqov (60 kılá), Ádilet Elgezekov (64 kılá), Rústem Sybaev (69 kılá), Nurdáýlet Jarmanov (75 kılá), Almat Serimov (81 kılá), Vasılıı Levıt (91 kılá) jáne Ivan Dychko (+91 kılá) qorǵaıdy. Jarys elordalyq tsırktiń sporttyq arenasynda ótedi.
