Boks: Astana - Pavlodar quramalarynyń jekpe jeginde elordalyq boksshylar basym tústi
ASTANA. Tamyzdyń 2-si. QazAqparat /Jasulan Amanbaıuly/ - Qazaqstan boks federatsııasynyń kýbogi jolyndaǵy Astana jáne Pavlodar quramalarynyń jekpe jeginde elordalyq boksshylar 6:4 esebimen jeńiske jetti, dep habarlaıdy QazAqparat.
Shildeniń 31-i kúni ótken eki komandanyń kezdesýinde Astana qalasynyń boksshylary alǵashqy 4 kezdesýdi birinen soń biri jeńip, qarsylastarynyń mysyn basqandaı boldy. 49 keli salmaqta Qazaqstan chempıony Іlııas Súleımenov pavlodarlyq Jandos Dúısekovti 7:2 esebimen jeńdi. Azat Mahmetov Suńǵat Muhajanovpen (52 keli) ótken jekpe jekte 9:3 esebimen aılasyn asyrsa, Astananyń namysyn qorǵap júrgen Qanat Ábýtálipov óziniń qarsylasy Asylbek Ospanovqa des bermedi. Esep 10:8. Al 60 keli salmaqta elordalyq Dýman Alımov matchtyń kórigin keltirer óner kórsetti. Ol pavlodarlyq Farhat Dúısenbaevti úsh ret nokdaýnǵa jiberip, qarsylasynan basym tústi.
Osydan keıin Pavlodar oblysy boksshylarynyń alǵashqy jeńisin Almadbek Aǵybaevqa qarsy ótkizgen kezdesýde Azamat Smaǵulov alyp berdi.
Elorda atynan shyǵyp júrgen Baqytjan Qojabekov Sergeı Skakýndy 8:2 esebimen jeńgennen keıin, qonaqtar sapynan Danat Imanbekov Astananyń boksshysy Qaırat Ersultanovtan basym túsip, kezdesýdegi Pavlodar quramasynyń jeńisine degen úmitin jandandyra tústi.
Biraq bul zor dámeni astanalyq boksshy Azamat Belgibaev sý sepkendeı basty. 81 kelide óner kórsetetin A. Belgibaev Maksım Pogorelovtan basym tústi.
Qalǵan eki kezdesýde Pavlodar órenderiniń jeńisi tirkeldi. Sergeı Goncharov (91 keli) ıÝrıı Zadorojnyıdy birinshi raýndta tize búktirse, eń aýyr salmaqtaǵy beldesýde Qazaqstan quramasynyń burynǵy boksshysy Dmıtrıı Gotfrıd Ermek Úsenovti jeńdi.
Matchta eń jaqsy tehnıka kórsetken boksshy Dýman Alımov atandy. Dmıtrıı Gotfrıd quramalar jekpe jegindegi úzdik boksshy dep tanyldy.
