BOKS: «Astana Arlans» klýby «Kýba Domadorespen» joldastyq kezdesý ótkizedi
ASTANA. QazAqparat - Búkilálemdik boks serııasynda (WSB) óner kórsetetin «Astana Arlans» klýby kýbalyq «Kýba Domadorespen» joldastyq kezdesý ótkizedi. Bul týraly komandanyń resmı saıtynda habarlandy.
WSB-nyń 3-shi jáne 4-shi kezeńderiniń chempıondary arasyndaǵy match 9-10 qyrkúıek kúnderi Astanadaǵy «Dáýlet» sport kesheninde uıymdastyrylady. Qos keshte de komandalar bes besten jekpe-jekter ótkizedi.
«WSB-nyń eki alyby arasyndaǵy kezdesýi týraly aqparatty búkil álemdik qaýymdastyq jaqsy qarsy aldy. Biz osyndaı oqıǵany uıymdastyrýǵa atsalysqan eki komandamen de maqtanamyz», - deıdi WSB basshysy Karım Boýzıdı.
