Boks: «Astana arlandarynyń» qarsylastary belgili
ASTANA. 25 qyrkúıek. QazAqparat - 23 qyrkúıek kúni Lozanna qalasynda WSB synynyń jerebesi tartylyp, «Astana arlandary» jańa maýsymdaǵy qarsylastaryn bildi.
«Alaman» sport agenttiginiń málimetinshe, jerebe qorytyndysy boıynsha A tobyna Dynamo Moscow (Reseı), India Fighters (Úndistan), Argentina Condors (Argentına), Mexico Guerreros (Meksıka), Baku Fires (Ázirbaıjan), Hussars Poland (Polsha), al B tobyna Milano Thunder (Italııa), USA (AQSh), Great Britain (Anglııa), Astana Arlans (Qazaqstan), Germany Eagles (Germanııa), Ýkraına komandalary tústi.
Bıylǵy maýsymnyń erekshelikteri boıynsha, WSB komandalary endi qalanyń emes, tutas eldiń namysyn qorǵaıdy. WSB jekeleı birinshiligi ótpeıdi. Biraq boksshylardyń jeke reıtıngti qurylady. Keıin bul reıtıng olımpıadalyq irikteý jarystarynda eskeriledi.
«Astana arlandary» ózderiniń alǵashqy kezdesýlerin syrt alańda Ýkraınamen ótkizedi.
