BOKS: «Astana arlandarynyń» «Baku Fires» komandasyna qarsy quramy belgili boldy
ALMATY. QazAqparat - «Astana arlandarynyń» «Baku Fires» komandasyna qarsy quramy belgili boldy. Bul týraly búgin «Astana arlandary» kásipqoı boks klýbynyń Feısbýktegi paraqshasynda málim etildi.
«Baku Fires» komandasymen kezdesýde «Astana arlandary» sapynda Temirtas Júsipov (49 keli), Nursultan Kósheǵulov (56 keli), Ashat Ýálıhanov (64 keli), Meıirim Nursultanov (75 keli) jáne Vasılıı Levıt (91 keli) sharshy alańǵa shyǵady.
Esterińizge sala ketelik, Dúnıejúzilik boks serııasynyń besinshi maýsymy aıasynda 2015 jyldyń 31 qańtary kúni Ázerbaıjanda «Astana arlandary» men «Baku Fires» komandasy kezdesedi. Saıystar Gýba qalasynyń Olımpıadalyq kesheninde Astana ýaqyty boıynsha keshki saǵat 21:00-de bastalady. Qarsylastar quramy ázirge belgisiz.
