Boks: «Astana arlandary» jartylaı fınalda kimmen judyryqtasady
ASTANA. QazAqparat - WSB jobasy aıasynda óner kórsetetin «Astana arlandarynyń» jartylaı fınalyndaǵy qarsylastary anyqtaldy, dep habarlaıdy QazAqparat tilshisi.
Worldseriesboxing.com saıty taratqan málimetterge súıensek, «Arlandarymyz» jartylaı fınalda Ulybrıtanııanyń «British Lionhearts» komandasymen kezdesedi. Qos komanda arasyndaǵy alǵashqy jekpe-jek 18-19 mamyr kúnderi ótedi dep josparlanǵan.
Esterińizge sala keteıik, «Astana Arlandary» osyǵan deıin Búkilálemdik boks serııasyn úsh ret jeńip alǵan bolatyn. Mundaı jetistikke áli eshbir komanda qol jetkizip kórgen emes.
Otandastarymyz alǵashqy chempıondyq ataqqa 2013 jyly qol jetkizse, ekinshi ret araǵa bir jyl salyp, 2015 jyly taǵy da bas júldeni qanjyǵasyna baılady. Al úshinshi ret ótken 2017 jyly taǵy da jeńis toıyn toılady. Sondaı-aq, 2011 jyly ekinshi orynǵa, 2012, 2014 jáne 2016 jyldary úzdik úshinshi oryndarǵa qol jetkizdi. Mine, bıyl taǵy da jartylaı fınalǵa shyǵyp otyr.
