Boks: «Astana arlandary» «Bangkok pilderinen» basym tústi
ASTANA. 23 qańtar. QazAqparat /Arman Asqarov/ - Ótken senbi, qańtardyń 21-i kúni Taılandta bolǵan kezekti jekpe-jekte «Astana arlandary» «Bangkok pilderi» boksshylaryn 3:2 esebimen tize búktirdi.
Osy jolǵy týrnır 61 keli salmaqtan bastaldy. Bul jekpe-jekte Ádilet Egizbekov Výttıchaı Masýktan upaı jaǵynan utylyp qaldy. Al 85 keli boıynsha shyqqan qazaqstandyq Danııar Ústembaev Krıangkaı Sýkhým atty taılandtyq boksshyny jeńdi. Bizdiń legıoner Shýaıb Býlýdınats (91 keli) ta óz jankúıerlerin jerge qaratqan joq. Ol Blaız Iepmoý Mendoýodan upaı jaǵynan basym tústi. «Arlandyq» Rafıkjon Sultonov (54 keli) Donchaı Thathıge ese jiberip qoısa, sheshýshi jekpe-jekte Mıras Baıyrhanov (73 keli) Sıtıchaı Sýmfaýrondy ekinshi raýandta nokdaýnǵa jiberdi. Esep 3:2.
Endi, aqpannyń 3-i kúni «Astana arlandary» óziniń negizgi qarsylasy Italııanyń «Milano Thunder» quramasymen kezdesedi. Jekpe-jekter Almatydaǵy Balýan Sholaq atyndaǵy sport saraıynda ótedi. Aıta keteıik, qazirgi kezde «A» tobynda «Milano Thunder» boksshylary birinshi orynda keledi. Buǵan deıin «Astana arlandary» ol komandadan utylyp qalǵan edi.
