Boks: «Astana arlandary» «Argentına kondorosty» oısyrata jeńdi
ASTANA. 30 naýryz. QazAqparat - «Astana Arlans» qazaqstandyq komandasy Dúnıejúzilik boks serııasynyń (WSB) jartylaı fınalyna shyqty.
Jaýapty shırek fınaldyq kezdesý barysynda «Arlandar» argentınalyq komanda «Argentina Condors»-ty 5:0 esebimen jeńdi. Bul týraly Vesti.kz habarlady.
54 kelige deıingi matchtyq kezdesýdiń alǵashqy aıqasýynda qazaqstandyq boksshy Baǵdat Álimbekov argentınalyq Ignasıo Perrınodan basym tústi. Qazastandyq birinshi raýndtan bastap alańdaǵy kóshbasshylyqty óz qolyna alyp, Perrınge birde-bir raýndty buıyrtpady, esep 3:0.
61 kelige deıingi salmaqta argentınalyq komandaǵa tehnıkalyq jeńilis jazyldy. Sebebi Erjan Músápirovpen judyryqtasýǵa tıis bolǵan Braıan Nýnes vızany ýaqytynda ala almaı, Qazaqstanǵa kelmedi.
73 kelige deıingi salmaq dárejesinde «Astana Arlans» úshin óner kórsetetin Izraıl boksshysy Konstantın Snıgýr argentınalyq Henrı Polankony jeńdi. 85 kelige deıingi salmaqta «arlandardyń» ırandyq legıoneri Ehsan Rýzbahın Fakýndo Sımaldi utty. Aýyr salmaqtylar arasynda bizdiń ýkraınalyq legıoner Roman Kapıtonenko Anhel Vılalbany soqqynyń astyna aldy.
