BOKS: «Astana arlandary» 1:0 esebimen alǵa shyqty
ASTANA. QazAqparat - Dúnıejúzilik boks serııasynyń tórtinshi maýsymyndaǵy toptyq kezeńiniń sońǵy kezdesýinde «Astana arlandary» polshalyq «Poland Hussars» komandasyn qabyldaýd, dep habarlaıdy kazsporttv.kz.
Almatydaǵy Balýan Sholaq atyndaǵy Sport saraıynda sharshy alańǵa aldymen jeńil salmaqtaǵy boksshylar shyqty. 52 kelide el namysyn Іlııas Súleımenov qorǵady. Ol Dúnıejúzilik boks serııasyndaǵy alǵashqy jekpe-jeginde ázirbaıjandyq Elvın Mamıshadzege ese jiberip alǵan edi. Bul joly Іlııastyń qarsylasy Gjegorj Kozlovskıı boldy. Polıak boksshysy bul maýsymda WSB aıasynda ótkizgen eki kezdesýde jeńilip qaldy. Ol ótken maýsymda da jeńiske jete almaǵan. Al búgingi jekpe-jekte Súleımenovtyń soqqylaryna tótep bere almaǵan Gjegorj Kozlovskıı kezekti jeńilisine ushyrady. Ulttyq qurama múshesi Іlııas Súleımenov jeńisinen keıin «Astana arlandary» kezdesýde 1:0 esebimen alǵa shyqty.
