BOKS: Asa aýyr salmaqtaǵy kýbalyq Maık Peres Aleksandr Povetkınmen kezdesetin boldy
ASTANA. QazAqparat - Kýbanyń asa aýyr salmaq dárejesindegi boksshysy Maık Peres 22 mamyrda Máskeýde Dúnıejúzilik boks keńesiniń (WBC) nusqasy boıynsha álem chempıonynyń «kúmis» tıtýlynyń ıesi Aleksandr Povetkınge qarsy jekpe-jek ótkizýdi josparlap otyr.
Bul týraly TASS agenttigine kýbalyq sportshynyń menedjeri Patrık Tomas habarlady.
«Biz Máskeýde Povetkınge qarsy jekpe-jekti ótkizý úshin kelissózderdi júrgizýdemiz. Onyń ótkizilý kúni shamamen 22 mamyrǵa kelip tur. Osy aptadaǵy kelissózderde tolyq belgili bolady», - dedi Tomas telefon arqyly.
Qazirgi kezde Peres WBC reıtınginde - ekinshi, al Povetkın birinshi orynda tur.
