BOKS: ARV jobasynyń alǵashqy chempıondary anyqtaldy
ALMATY. QazAqparat - Germanııalyq boksshy Erık Pfaıfer ARV jobasynyń eń alǵashqy chempıony atandy. Ol Baký qalasynda ótken fınaldyq jekpe-jekte marokkalyq Mohammed Ardjondy aıqyn basymdyqpen jeńdi.
Qazaqstan Boks federatsııasynyń habarlaýynsha, Baký qalasynda ótken aqtyq synda germanııalyq boksshy Erık Pfaıfer men Mohammed Ardjonnyń arasyndaǵy kezdesý 3:0 (78:74, 78:74, 77:74) esebimen aıaqtalǵan.
Sonymen qatar, Túrkııanyń Stambýl qalasynda ótken fınalda jergilikti bylǵary qolǵap sheberi Adem Kılıchchı (75 keli) reseılik Artem Chebatarevti 3:0 (80:72, 78:74, 79:73) esebimen jeńse, 69 keli salmaq dárejesinde óner kórsetken jergilikti boksshy Onýr Sıpal kenııalyq Reıton Okvırıdi de 3:0 (78:74, 78.74, 77:75) esebimen tize búktirip, chempıon atandy.
